溫度日記
Hearty Journal

4月 10日的日記
第二天 15:46pm 今日天氣好好,因為假日嘅關係留喺屋企休息,但願你嘅心情同今日嘅天氣一樣咁好。 呢幾日心情比較鬱悶,做功課都提唔起勁,同你傾計平時都會盡量減少講返學嘅事,唔想讓你又記起學校嘅事。記得你講過自己嘅生活比較簡單,宜家停課又唔需要返工嘅時候,我同你生活都係差唔多,靜落嚟就會想搵你,但只能喺度講我嘅心聲。 琴晚突然想聽一隊我早前有聽開嘅樂隊,叫Her‘s,腦海浮現佢哋嘅Cool with you,馬上嚟youtube聽,到我睇到下面嘅留言,原來呢隊樂隊喺2019年上半年喺一場意外後去世,嗰一刻喊咗出嚟,呢幾日先發現我真係好想搵返你,不斷同你傾計,我唔想再錯過任何機會,我記得好多同你傾計嘅美好時光,我好想再返返去,縱使當時我過得唔好。 上面嘅影片係Her‘s -Cool with you,我知道你唔鐘意英文,但音樂無分語言,希望你會花少少時間聽,我希望未來日子可以Cool with you... 願你嘅日子平安安好。 16:23pm Odys

溫度日記 Hearty Journal