01:03am 第一天 由16/11到10/4：第146日 忽然記得喺你生日嗰日我答應你會俾生日禮物你，其實我有準備好，只係最後因為一啲藉口而遺忘咗。答應過你又實行唔到，所以決定由今日開始到我今個月生曰，每日寫一篇日記俾你，補祝你嘅十七歲生日。 呢兩日起身之後，感覺所有事都好似發咗一場夢咁，因為覺得瞓覺會比清醒輕鬆，所以今日瞓咗一整日，但醒嚟又會想搵你，糾結咗好耐，最後都係搵你。 每次block嘅原因係因為想要擺脫想封鎖嘅嗰個人，而第一位就係台灣人，第二位係五月天嗰位好朋友。到你啱啱問我係咪block過你嘅時候，我亦只能答係。因為我發覺原來再對你解釋，好似都會單單因為我係純粹為咗脫身而不斷解釋。 到我話可唔可以靜一排嘅時候，你話好，真係好開心你會咁答，但其後我講如果有任何事，都可以隨時搵我，你都回覆好嘅時候，我真係好驚，雖然已經有心理準備你唔會再搵我，但係始終都係接受唔到呢兩日所發生嘅事，太快太突然。 希望你今晚會聽我講，早啲休息，盡量唔好通宵。🥴 01:21am