其實我好天真, 我天真以為我做錯野你永遠都會原諒我。我天真以為你走左都會返黎。原來真係唔會, 等呢個過程好痛好辛苦。我直頭唔了解自己係度等緊D乜。我知自己等乜都仲好D, 最慘係我都唔知。你已經將所有我同你可以返轉頭既機會殺死哂, 我好痛。心痛唔係心理感覺, 而係物理上真係會覺得好痛。其實我對你真係好真, 你係我呢世人見過最愛既人。以前好愛, 依家好愛, 將來都好愛。但我真係好痛啦, 我唔知可以點做, 唔知可以點做。 我唔明點解你可以將所有機會殺死哂。你係唔係真係好想離開我既世界, 我成全你。我痛到癲左, 唉。終於感受到, 我真係唔知自己做緊乜等緊乜。明明你已經放棄左, 你已經走到好遠。 究竟我係度做緊乜, 其實你有冇唸清楚呢兩年每一幕, 我係唔係真係你唸到咁, 你潛意識不停逃避真實既每一個畫面然後將我妖魔化。點解你要咁做。 你係唔係真係咁想我消失。定係你已經講得好白，只係我唔想去明。