溫度日記
Hearty Journal

7月17日的日記
今日係星期日,晏就去左參加執垃圾團。 今日天氣真係好熱, 今日既地點係南生圍。南生圍對我黎講係一個好有趣既地方。係2018年6月, 我入中地既第一個地盤就係南生圍, 係呢度, 我由一個GARD E升做SITE AGENT, 係呢度我將兩隻比人遺棄既狗仔帶返中地, 係呢度我同你熟左。 呢兩日我再將你同我講既野唸完又唸, 你講得好岩, 我真係好垃圾好冇用。其實你真係比左好多次機會我, 多謝你係我生命入面出現。我根本完全襯你唔起。你比我高尚太多了, 淨係個人格。我好希望人生冇接觸過你, 咁你唔就唔會比我連累到。對唔住。 今日一路執沿途唸返起自己一路走過黎既經歷, 曾經既中地寫字樓都已經唔再係度, 變返一塊爛地, 但好快呢塊爛地又會起返野。 係唔係代表我今次都會企得返起身。 其實我都唔知, 每日都好辛苦, 好難受, 我好想去救續, 但好似唔係好得。 呢次既執垃圾令我唸好多野, 一路執一路既景色就係我沿路行過既路, 有易行有難行, 但總會捱得過。 我冇機會再證明比你睇我對你可以受到承諾, 我上幾個星期會咁, 係因為我真係去到谷底冇哂行動力, 好辛苦郁唔到。 我好想比你知我冇事, 我行緊出黎。好想比你知我有能力比返承諾你。你同我講過愛係好虛無總有一日會冇。我都唔知我對你既愛幾時會冇, 但至少我知我真係好愛你, 我願意去比返承諾你。 細個睇過一篇文章, 每個人只能陪你走一程, 入面提到, 人生唔同時段就會經歷唔同既野, 會有唔同既人陪你走每一段路, 我唔想你淨係可以陪我走一段路, 我好想你陪我走過每一段路。 我唔使你等我, 但我總有一日會以一個全新既形象出現係你面前, 如果到時你未結婚既或者未有男朋友, 我一定會搵返你。 我總唔覺得我地呢世就咁完左。 係呢段執垃圾既過程入面, 我反覆思考左好多野, 我亦都努力緊。加油!

溫度日記 Hearty Journal