呢度由最初單純為左想同返你一齊而變成記錄自己變化既地方。 呢個係一個一小時28分鐘既通話。 我既問題同缺點都好多，首先要面對就係對承諾既認知，同理心，要從其他人角度去出發。 終於了結左我一個心頭大石，呢刻好痛但同時好痛快。 我會用我自身犯過既錯去坦誠同其他人去講。 我好感激呂詩敏可以係發生咁多事後不停咁罵我。歇而不捨咁罵，其實我唔係全部都冇聽入耳。你講既罵既我都收到。只係我要時間去改變同進步。多謝你既陪伴，但我想講仲未完，我係一個好多缺點既人，但有樣野我係叻，就係我好少會放棄。 我今次願意放低以前既自己，去慢慢改變，我唔使你等我，但我想同你講，我地會再見。 你問我點搵你，其實我都唔知，我覺得有緣就會見到。無論以乜身份又好，點都好。 大慨我已經接受左個現實，我同你行到呢度就完左。或者你從來都冇同過我一齊，同你一齊既從來都唔係我。我好希望有日可以用真正既我再由頭追你一次。坦白講，雖然我呢刻冇哂鬥志，放棄左。但我訓醒我就會充滿力量，我會慢慢去認清自己既問題再去進步。希望到時你會願意同我做朋友。 呢度唔會再係一個男仔想挽回個女仔不停打好多野既地方。呢度係一個壞人慢慢去救贖既記錄。而見證人就係住係我心入面既你。