今日係2022年7月4日，朝早一早收到呢個中心既wsapp約我去interview。 我約左1330去in，今次早左15分鐘。 in我既係梁姑娘，都係簡單自我介紹，然後講解一下呢個活動。呢個活動由社署比funding，主要係協助基層小朋友去搵到自己目標同埋建立興趣。過程中，需要同兩個小朋友一齊參與活動，建立正確價值觀，包括係金錢同埋對社會。 我一聽到，就唸左唸，好似兩樣我都符合唔到。不過我有信心我會做到，所以我都係同姑娘講我會做到，放心。 姑娘問左我一個問題，我今次終於冇講大話。佢問我咁多個機構有呢個活動，點解要揀佢地。我既答案係，純粹你地搵我比較快。如果其他早d搵我，我都會考慮。 細個既時候受過呢類型機構恩惠，長髮哥哥帶我去玩帶我去溫習。今日終於有機會做返長髮哥哥個角色。希望我會做到。 呢刻我心境好平靜，所有戾氣都消失哂，係度食緊m記。