溫度日記
Hearty Journal

2018年5月 1日星期二的日記
今日系我地嘅第四個月啦~我地原本好耐無見面啦。其實都唔算好耐嘅,星期五先見完面,可能計埋期中考之前差唔多有半個月無見啦),真系好掛住好掛許穎康架,因為可能期中考前後壓力驅使下,內心中其實系好不安,可以突然間好開心但下一秒可以即刻喊得出,壓力大到見到有壓力肚腩仔添啦!唉~成日都歎氣!但今日夜晚你咁攰都特登黎屋企揾我!個心真系好暖呀❤️原本有啲頹廢嘅感覺,一見到你即刻充滿力量即刻精神曬!雖然無表現到好熱情,但其實每次見到你,我都想即刻飛撲去你到攬實你架~後先雖然好即興咁去咗IKEA呀,但我好鐘意哩種細水長流、小温暖嘅感覺,好想被哩種感覺一直包圍住,今日雖然只系我地第五個月嘅開始,但你比我嘅感覺已經系無可取替架啦,希望我地都可以努力完成我地生活中嘅所有任務或者挑戰,可以一齊追住我地嘅目標進發!結果可能同我地心目中有出入啊,但只要可以同你一齊經歷或者有你陪住系我身邊渡過每一日,已經系我最大嘅夢想!所以我嘅夢想已經有一部分實現咗啦,所以我已經覺得好幸福❤️只要將來嘅路有你部住我一齊行,就算條路可能會好艱難好辛苦好崎嶇,但對於我黎講都系一條最幸福嘅路,感謝你無放棄到我,感謝你最後選擇愛上我!

溫度日記 Hearty Journal