溫度日記
Hearty Journal

2017年4月 22日星期六(想起已離開母校一年而有所感觸)的日記
又到咗畢業嘅季節啦,睇住今年即將畢業嘅同學,上年同時期嘅日子不斷系腦海中湧出黎,當時嘅我講過,我唔會掛住培正,唔會掛住培正讀書嘅日子,唔會好掛住同學,但今時今日嘅我,離開咗母校才一年,我已經好掛住好住我系培正嘅日子,原來當時嘅我系好有目標架,每日都過得好充實,雖然當時會覺得就黎死咁,但原來一個人無目標,好空虛嘅時候先系最辛苦架,個腦會系咁胡思亂想,負面情緒會系咁湧出黎,我究竟要點樣先可以捱過呀,我雖然表面好冷靜好開朗,但真實嘅我系好怕失去所有野,所以我會拼盡去受護我想要我想珍惜嘅野。好可惜嘅系時間系我點努力都攞唔到番黎架,而回憶只可以成為我回望細味嘅唯一一樣精神之處,我想回到過去將我過去嘅人生再走一次,唔系,唔系走一次,系無限咁走!但系回到現在,我又發現我嘅愛又會影響到好多人,好多人都雖要我,所以我要堅強向去行,回憶系可以細味,但可以成為我嘅絆腳石,我要加油,難關黎到,就要跨過去,我無野系做唔到嘅,我有爸爸媽咪姨媽姻緣朋友支持,同時我亦都系佢地嘅支柱,我要堅強,我要繼續好好咁走落去,林泳彤你一定可以架! 要記住,點解你有咁多咁美好嘅回憶?系因為當時嘅你識得好好咁享受當下,咁如果我宜家都可以好好咁享受當下,宜家哩一刻都一定可以成為我將來美好回憶嘅一頁,知道嗎?加油呀,比啲正能量自己,你開心先可以令到你身邊嘅人開心架!加油!加油!加油!你一定做到架!

溫度日記 Hearty Journal