颱風山 竹正以每小時30公里的速度移動，目前距離澳門580公里。目前最高風力達198KM/H。(颱風天鴿為185KM/H) Peter,打風wo，準備好D野食未啊?呢D野邊有得準備架，要黎就黎架啦。冇錯，人生有好多野係冇得準備。 深藍色帽，長頭髮，紅色短袖，工人褲。呢個係我第一次見到你。 巧合地，我地被安排係同一間房入面，唔好諗歪左，係同一間主題房教小朋友摺紙。 邊個有鉸剪啊?我二話不說將檯面上既鉸剪遞比你。係呢一刻，我地互相對望左0.5秒。 姐姐，我唔識摺呀T_T。叫哥哥教你啦，你帶住著稚氣既笑容對我講。 下?我....我幫你睇下啦。我無奈地說著。 小朋友，夠鐘食茶點啦。小朋友們興高彩烈地向著禮堂方向奔去。 房間裡，只剩下我們幾位義工和未完成的摺紙。 呼~~終於搞掂!真係好鬼攰呀!!! 無理由我地咁快出去架，不如留係度傾下緊。好啊........ Peter，琴日我聽到你講電話WO(奸笑)，話咩6點鐘小泉居等，唔洗講一定係女啦。我隔離個義工首先提出"話題" 我....一時之間唔知講咩好。而你亦無比到任何反應。 你咁靚，一定好多人溝啦。我嘗試將話題轉向佢。 Peter又要做人地隻兵啦。其中一條友講。 做人地隻兵又點丫，又唔係做我隻兵。你苦笑地說著。(而家諗番句野其實有D奇怪XD) 檯面仲剩番幾張紙wo,不如我摺隻紙鳶送比你啦。 就係咁，我睇住你用左接近15分鍾既時間好辛苦咁摺左隻紙鳶出黎。拿，送比你。^^ 我尷尬地收下。 你要擺係度架!唔準扔左佢!記住! 番到去即刻扔左佢，你都唔知啦。我大笑地說。 大家快D出黎啦，一齊玩團體遊戲啦。門外傳來一把響亮的聲音。 令人哭笑不得的對話終於結束。