金魚記憶的我，真係唔記得同過幾多個男仔去街，去街果陣發生過d咩事，什至之前同佢地講過d咩話題。但同佢地傾計講番之前既事，佢地可以如數家珍咁講番約會既細節，做過d乜，我講過d咩，然後我心諗：又好似係真係有，但又唔可以比佢地知我已經唔記得晒⋯⋯點解我會變到咁渣⋯我係咪變左個壞左既人？ 但我都有記得好清楚既約會，係同我好愛好愛既人，一齊玩左一日，每一個細節都仲係我腦海到，因為三不五時，我就會諗諗果日發生既一切，攞番d正能量，如果果一個我好愛好愛既男仔唔記得晒同我一齊既事，我應該好崩潰，所以我都要演好呢場戲，唔好令人心入面留下陰影，呢個就係我最大既贖罪。 今晚同個小弟弟聊天，真係有點感動，佢記得晒我以前講既野，生活習慣，我地相識同第一次見既細節，我覺得我個心有點比佢溶化，點解會有人話我係冷血，佢究竟講d野有幾on9我先唔想回應令佢覺得我冷血。