大家好 我叫阿nick 其實今日我寫既唔係日記 係寫我同一個女仔既愛情故事。我同呢個女仔大約2011年認識，我就叫呢個女仔小燕啦。小燕佢好靚，好可愛，好多人追。佢係酒吧做野，我第一次見佢係同女朋友一齊。當時我無留意佢，只係拎左卡片。之後都無聯絡過。直到2012年，有一次，我同朋友又去玩，(我果時已經單身)，我同三個男仔朋友去玩，又遇到小燕，玩玩下我估佢應該有啲醉，我發覺呢個女仔同我好夾，好好聊。之後都唔記得發生咩事，總之最後佢咬左我隻手一啖，好痛，佢話越痛就會越記得佢。果時我已經對呢個女仔有好感。咁我就追佢，又比我追到喎。之後我地日日微信，間中打電話。(電話比較少，因為電話費貴。)日日如是，晚晚我都等到佢返屋企我先會訓。(其實深圳同香港可唔可以叫long d 呢)。所以我十分期待講電話既，因為可以講電話，我會好開心。又可以感覺到佢對我既愛。直到有一日，佢好早收工，佢話"不如你打比我啦"我第一時間話好。馬上打去，但發生左一件晴天霹靂……