今日你收早 趁我仲係攞緊病假 我照舊喺東涌等你收工 我知道 你一早同我講咗你今日要去驗車 好多嘢做好趕 我問你我過唔過嚟好 你叫我唔好再畀問題你 我自己同自己講 有得見嘅時候要好好珍惜 因為遲啲返工我相信 更加難去見面 而家唔同之前 以前我收p你都會特登過嚟 車我返屋企 見得個半個鐘 大家都覺得好開心 但係而家你實在太多嘢煩 你個人已經冇力氣冇心機再去理我 所以唯由我去做主動 我知道你今日好趕 所以一早拿拿聲幫你去整 諗住整完仲有少少時間可以攬下 但係你又誤會咗 我唔係叫你走 我仲想講我哋好耐冇一齊沖涼 唔緊要 驗完車你話唔去醫院 其實我係想見你耐啲 但我唔敢講 因為你話你已經好攰。 我都睇得出你好攰 所以我乖乖哋聽你講返屋企 仲有一個禮拜 我就要返工喇 我唔知呢一個禮拜可以見到你幾耐 我唔敢諗返咗工之後 幾耐先可以見到你一面 我有一個小小嘅願望 我希望 下個星期 可以抽一晚陪我過夜 因為我真係好想攬住你瞓 唔知呢個小小嘅願望 可唔可以實現到 我唔敢奢望