尋晚冇食瞓覺藥。 瞓得好差凌晨兩點就醒咗 然後睇下netflix 我諗差唔多四五點先再訓 我唔敢message你 我怕嘈到你 因為我知道今日係星期日 佢會喺你隔離 唔係其實每晚佢都係你隔離 然後晏晝我就去咗濟公度 成日覺得好似有嘢跟住我咁 但係濟公話冇 我都有同濟公講你呢排情緒好唔得。。 濟公同我講嘅就係 叫你唔好咁迷信所有嘢順其自然 其實我都希望你可以放鬆啲 我明白好難放鬆 但係你不斷諗不斷諗 對件事情完全冇幫助 反而你仲會傷害到身邊既人 我而家咩問題都唔敢問你 我知你好想我返工 但係你又知唔知點解我遲遲都唔肯返工。 你估冇收入好過癮呀 我係知道我一返工之後。 我就唔可以好似之前咁成日見到你 我嘅願望係 喺我返工之前 可以同你去珠海瞓一晚 但呢啲都係我嘅奢望 因為我知道你呢排真係好忙 又要探阿嫂 又要幫阿嫂搞間房 自己嘅嘢都未搞得掂 所以我唔敢開聲同你講呢個要求 但係其實我真係好想係返工之前好好咁樣 攬住你瞓一晚 因為我知道成個三月 我哋見面嘅次數應該唔會多 唔緊要啦 要體諒要包容要忍耐 我成日話見。 都唔知我幾時開始 從前嘅我不斷拒絕見面 係我愛你多咗 定係我依賴你多咗 其實我想講我我真係唔係幾開心 由當初識你好熱情 到而家每日得幾個message 當然我知道當中發生咗好多嘢 我傷害咗你好多次 但係我有諗起你啱啱一齊嘅時候 個對比落差實在太大 之前嘅我哋 無所不談 上至天文下至地理 youtube啲戇鳩片 都可以笑一餐 而家 我係連問問題我都唔敢 我心裏面好想知道你做緊乜嘢㗎 但係你冇講 我亦都唔想迫你講 但係我想講。 我係真係好傷心 不過放心我會體諒你 我愛你 原來 只求一聲晚安 都變成奢侈品