今日都係一樣 你今日返早 我驚你唔知醒所以message你 平時嘅我收唔到你話起身嘅message 我應該會打畀你 但係諗起佢係度 同埋你話好驚電話響 所以我冇打畀你 原來你根本就冇睇到message 到你收工 你先有睇 又好似返到之前咁樣 我好似對住空氣講嘢咁樣 今日收到醫院電話打黎 叫我返去 都估到實係驗到有嘢 真係畀我講中左 其實我到而家都接受唔到 點解會有呢個病 我嬲嘅係我自己點解咁戇鳩 終於戇鳩到害埋你 我好嬲我自己 但我咩都做唔到 你話佢一啲報應都冇 我應該要去刮佢條女出黎 真係好對唔住 我冇呢個心機日日企喺度等 因為我真係已經好冇心機 果種冇心機我諗你應該明白 因為你而家都好冇心機 我好嬲我自己 我真係好嬲 好嬲自己點解會咁樣。 心情好差好差好差好差 我又唔可以同任何人講 不停就係覺得自己好污糟 之前你同我講阿miu啲野 不停咁同男人上床 我啲下覺得自己 仲污糟過佢 我啲情緒又返黎啦。 但係我唔可以畀你知。 因為你已經好煩 好多嘢做唔得閒理我 冇心機再去理我 我明白 你要處理屋企人嘅嘢先 呢樣係最重要。 尋晚見完之後 我有種感覺係 唔知幾時先可以再見到你 因為你總係會話唔得閒有嘢做 彷彿好似見到之前嘅自己 之前我不斷話唔想見唔得閒 而家嗰個變咗係你 所以琴日你教我㗎 用行動去證明畀你睇 但我驚呢個行動會令到你反感 尋日你第一句都話我要脅你要見 由幾時開始 見面係變到好似要逼先可以見到 從前我哋 可以見到就會爭取見到嘅時間 我收工你車我返屋企 短短15 30分鐘 大家都好珍惜 幾時變咗 要見面變得咁奢侈 對唔住 我唔應該咁樣講嘢 因為你已經好多嘢煩 不過我想見你係真 遲啲我返工嘅話 更加好難見面 我只係想我返工之前見多啲你 就係咁簡單 但原來唔係想像中咁簡單