我終於等到啦 我同你又可以再一次去旅行 其實都唔算係去旅行 師傅叫我哋去行一轉地運 我哋就去泰國三日兩夜 夜晚等你收工 我哋就搭夜機過去 過到去拎車就去買啲嘢食返酒店 食完嘢我哋仲有smoke 但係我覺得我乜料到 但係你開頭就好有feel 之後你又嘔又辛苦 然後我哋就去瞓啦 成晚不斷有聲 嘭嘭聲 搞到我成晚都瞓得唔好 然後最好笑係 我示範踢幅畫 我話就係咁嘅聲 然後你話佢喺度 我仲擰轉身望 好彩我睇唔到啫 然後第二日一早食完早餐就去咗拜四面佛 我都唔知我哋拜得啱唔啱 但係我哋都好誠心去拜 然後我哋去咗玩真槍 都幾好玩 但係玩完之後我隻手瘀咗 之後我就去紋身 一紋就搞到成十點幾 之後又係去夜市買嘢食 今次轉咗房冇聲 我真係想提醒自己 唔好再揀a 所以我紋咗個b字喺隻手度 然後第三日食完早餐 冇耐我哋就要去機場 但係我哋去到 個counter已經關咗 好彩可以搭到下一班機 雖然係遲咗兩個鐘返香港 但係總好過冇飛機返嚟 三日兩夜咁就完咗啦 攬住你瞓真係好舒服 佢嚟接你機 我就自己搭機鐵返屋企 搭車嘅時候我係有啲失落 因為唔知幾時先可以再同你去旅行 三日兩夜真係過得太快 對唔住我真係好貪心 我想對你耐啲 今個旅程係開心嘅 多謝你陪我