1月21日的日記
成日都唔記得咗打日記 連續兩日都有見到你 太開心 我唔太辛苦早啲起身 過嚟東涌等你收工 因為我想早啲見到你 見你耐啲 雖然我哋冇做啲咩特別嘢 但係可以攬住你瞓覺 錫下你 我已經覺得好足夠喇 我知道你諗返起 都會覺得好嬲好激氣 但你相信我呀 我真係下定決心去改過 我唔會再咁蠢 我唔會再講大話 我咩都同曬你講 雖然呢啲說話我之前都講過 但係今次我真係超級認真 我真係好想去挽救呢段感情 所以我唔怕辛苦 我會用行動去證明畀你睇 我有聽你嘅說話 每日都有做運動 其實呢幾日我都全身好酸痛 因為平時實在太少做運動 希望慢慢慢慢咁樣可以做多啲 好多謝你肯畀多次機會我 仲畀我留喺你身邊 仲畀我見到你 有陣時我對住你 我都覺得自己好對你唔住 點解自己之前對你咁差 咁當然我都有對你好過 但係對你差嘅時候真係好差 我真係一個人渣 係我唔識珍惜 對唔住 我傷害得你好深 但我希望我真係可以慢慢咁樣去修補到 我唔想離開你身邊 因為我真係好愛你 我有啲期待 可以再次同你去旅行 希望可以畀多一個美好嘅回憶你 我愛你

溫度日記 Hearty Journal