1月18日的日記
今日心情仍然都係唔好 對唔住我真係聽唔到你話佢要返工 如果我知道佢唔係屋企我會一早過嚟搵你 真係好對唔住我有錯失咗一個可以見你嘅機會 而家嘅我好似同之前既你調轉咗 之前係我不斷講話唔想見 而家到你話唔想見 其實我真係分唔到 你真係唔想見 定係點樣 我知道你見到我你會好燥 你怕會忍唔住鬧我 但係我唔驚 因為我真係抵鬧 我寧願你發洩出嚟 好過你屈住喺心 你不斷話你可以自己康復 如果係真係可以嘅話 你而家就唔會咁樣 我除咗可以做好我自己之外 唯一就係陪喺你身邊 但我唔知你係咪真係咁抗拒我 我覺得好無能為力 我好想幫你 但係又唔知可以點樣幫到你 我唔應該喺你面前喊 因為我知道咁樣係好煩 但我真係忍唔住 對唔住 我明知道你唔舒服 仲不斷係咁畀問題你 我唔應該係咁畀問題你 因為你已經好亂 但係今日有一件開心嘅事 就係你返工嘅時候 竟然有打電話畀我 我真係好開心 因為你有諗起我 我真係好掛住你 由第一日開始到依家 我想要嘅 淨係想好好咁攬住 我從來冇貪過你啲乜嘢 我貪嘅就係攬住你嗰份安全感 好對唔住係我令到你對我冇安全感 我會改過 我真係會做畀你睇 希望你會睇到 希望時間可以幫我證明 我真係想去修補 我真係想我哋繼續一齊 對唔住

溫度日記 Hearty Journal