一個星期喇 我真正失去你一個星期啦 我仍然係接受唔到 不停打開snapchat 我唔敢信息你 怕你嫌我煩 就delete個apps 然後連我唯一同你溝通嘅窗口都冇埋 尋晚 你講咗一大堆嘢 話師傅捉咗你講好耐 你會有個劫 我都會一樣有個劫。 你話我聽唔明 你話唔可以再洩漏天機 我只可以話 如果我離開你會好啲嘅話 咁我離開你啦 我唔想你有乜嘢事 我真心想你好 個天安排要我哋分開 咁就分開啦 今日原來聖誕節 對我嚟講一啲感覺都冇 咪又係瞓到晏晝 然後又再瞓到夜晚 我淨係想一直瞓一直瞓一直瞓 我咩都唔想面對 你要我一時三刻即刻放低你係冇可能 你不停話我一定會忘記到你 唔知呢 可能有一個人可以令我忘記到你啩 又或者我呢一世都忘記唔到你呢 邊個會知 但我好多謝你曾經帶畀我我咁多美好嘅回憶 嗰啲唔好嘅回憶我已經唔記得曬啦 淨係留返美好嘅回憶喺度 過多45分鐘就係你嘅生日 因為你好憎你嘅生日 但係我真係好想同你慶祝 因為冇啲一日你冇出世 我就唔會遇到你 就唔會有啲一段美好嘅回憶 哪怕只係好短暫嘅時間 我喺度原先祝你生日快樂 我知道你呢個生日係唔會快樂 因為你好多嘢煩 而我又傷害咗你 我希望你平平安安 健康快樂 我愛你