真正失去你嘅第六日 我仍然覺得我哋可以一齊返 但尋日你打電話畀我 講咗好多好多嘢 你叫我好好咁去應呢個劫 唔好再逆天 嗰一刻我知道 你係唔會再同返我一齊 我真係接受唔到 我哋曾經有過咁美好嘅過去 我真係好唔捨得 係我係曾經呃過你 傷害過你 我知道呢一條刺永遠都會喺度 如果你真係咁想我走 唯有成全你。。 但我真係好唔想走 你嘅生日禮物你嘅兩週年禮物 仲喺度 我望住就忍唔住喊 諗返起第一年同你慶祝生日 係有幾美滿 我哋一齊去過溜冰 一齊去珠海 我哋上山去冒險 喺車度又講不盡嘅話題 你同我講師傅話 25年我會喊住走 29年我會返返嚟搵你 我返返嚟搵你 你就會接受我嗎 我唔想好似阿miu咁樣 我唔想你呢個人從此消失係我生命裏面 你曾經係我生命裏面最重要嘅一部分 冇咗你彷彿冇咗半條命 但係個天要我哋分開 其實唔係個天要我哋分開 其實係我自己一手造成 我憎自己 我亦都好後悔當初點解冇聽你說話 我死都要掂保險 所以我而家真係一無所有 最重要嘅你都冇埋 往後嘅日子要點樣過落我唔知道 冇你陪住我嘅日子 我真係好難過 我有好多嘢好多嘢好多嘢都未同你做 我有好多嘢好多嘢好多嘢都想同你一齊做 可惜已經太遲 我希望你仲可以當我係一個朋友 唔好消失 可唔可以