真正失去你嘅第四日 心情都係未平復到 對唔住我真係好唔想失去你 我唔係想騷擾你身邊嘅人 當一個人去到絕望嘅時候 唯有係求神問卜 所以我搵咗油麻地師傅 對唔住我煩到師傅亦都煩到你 我知道有啲嘢發生咗就係發生咗 失去咗就係失去咗 你成日叫我面對現實 對唔住我真係面對唔到 我好記得你同我講 師傅同我講你有兩個老婆 你都同我講師傅話我哋兩個可以一齊好耐 我亦都問過其他師傅 我哋嘅姻緣係未斷 我知道所有嘢都係我自己一手造成 係我一手破壞 諗諗下 其實講大話好似變咗我嘅習慣 我同條撚樣開始一齊嘅時候已經係 唔情願嘅嘢我都答情願 明明唔想嘅都話想 久而久之 我變到成日都講大話 而家講返轉頭都冇用 因為信任已經冇咗 你根本咩都唔會聽得入耳 我唔知你有冇睇我嘅日記 唔知你記唔記得我同你講過嘅說話 我真係打算帶你出去見我啲朋友 一齊去學滑雪 但係冇喇 所有嘢都係我自己破壞曬 死纏爛打啲一招已經冇用 只會令你更加煩更加討厭我 我知道你承受嘅壓力已經好大 所以我唔會再苦苦哀求你 因為我知道呢一個係一種壓力 我亦都唔想逼你 我亦都知道逼都逼你唔到 我只可以講 我愛你呢樣嘢從來我都冇講過大話 我對你嘅好係真係出自真心 我所謂嘅講大話 都係因為驚你會嬲會呷醋 我知道呀 你寧願我直接講呀嘛 但係我真係好驚失去你 所以選擇咗講大話 但係我真係可以對天發誓 我冇同任何人上過床 不過呢啲都已經唔係重點 你都已經唔會再care 我唔知今日你搵師傅 師傅點樣同你講 但係我真係唔會害你 我唔會破壞你嘅家庭 我亦都唔係想坐正 我只係想你喺我身邊 你唔想我再講 我就唔再講 掛住你我愛你我需要你我唔捨得你 呢啲說話我只會喺呢度講 我會做好我自己 我希望你會感受到我嘅改變 然後再重新考慮下 我唔會逼你 但係我可以講 我愛你多過愛我自己 我為你生日準備嘅嘢 唔緊要 我會留喺度 平時唔係好捨得洗錢嘅我 我想你架車靚靚仔仔 我知道你想鍍膜 我偷偷地已經幫你畀曬錢 你唔使畀返錢我 因為呢個係我送畀你嘅週年禮物嚟 只不過拖到你生日 原本你嘅週年禮物 我送咗畀你但係你叫我攞返走 而家仲喺我屋企 你ig WhatsApp電話都block咗我 我唯一可以搵你嘅就係snapchat 你話我再講其他嘢就即刻delete個app 我即刻唔敢再講 我唔想連唯一同你溝通嘅窗口都冇左 你話當件事完咗你就會真真正正斷 然後消失 你答應我冇消失好唔好 我唔會煩你 但係唔好消失得唔得 消失對我嚟講真係一個好大嘅創傷 當年細個唔懂事嘅時候 畀人搞大咗個肚 然後嗰個人就係咁樣人間蒸發 對我嚟講係一個好大嘅陰影 如果你真係好堅決覺得我哋唔可以一齊 我唔會迫你 但我好希望你唔好消失 因為我希望萬一真係有咩事 我可以搵到你 因為我知道你永遠都可以幫到我㗎 你係我嘅superman 你喺我眼中 可以幫我解決所有嘅問題 我而家好多問題我都唔知應該點樣解決 單嘢啦 我工作上嘅事情 我都好需要聽你嘅意見 冇咗你 好多嘢我都唔知應該點樣做 我講唔到落去啦 再講我啲情緒又會黎 我聽日一早要去睇牙 所以我依家早啲食藥就去瞓覺 我都希望你可以好好休息 因為休息對你個病你講好緊要 我愛你