今日心情仍然係好複雜 因為我今日要去睇心理醫生 我去到睇醫生 講返起條撚樣 原來我仲係覺得會好痛 我本來以為自己已經冇曬感覺 但係原來一講起一諗返 都係仍然覺得好痛 醫生建議我去報警 但係 所有whatsapp對話都係對我好不利 我好難同人哋解話 點解呢個人咁樣對我 我仲繼續同佢一齊 事實上係因為我真係蠢 但係其他人聽落去 會唔會接受呢一樣嘢 警方會唔會受理 我都唔知道 我冇講大話 事實上佢真係做嗰啲好過份嘅事情 但係冇足夠嘅證據佢證明佢真係有做 再加上嗰陣時我對佢千依百順 我真係覺得自己好蠢 我從來未試過咁後悔 點解當初唔肯去聽你講 我乜都就曬佢 乜都聽佢講 將自己所有嘅嘢乜都畀曬佢毫無保留 然後換成而家 所有嘢都係對自己不利 師傅講得啱 你都講得啱 我永遠都唔聽人講嘢 我而家學識咗 真係要聽人哋講 唔聽人哋講就變咗而家咁嘅後果 我真係好後悔好後悔 點解會咁愚蠢 點解要為咗呢個咁嘅人 咁仆心仆命 去睇醫生之前 我心裏面仲覺得 呢個人係仆街 但係係咪真係要去到咁盡 我見完醫生之後 我覺得 佢真係應該受過佢應該嘅懲罰 因為原來佢傷我嘅程度 遠畀我自己諗深得多 原本諗住見醫生係做埸戲 但係原來唔使做 一諗番起就覺得好痛 原來一直我以為已經好返 已經忘記曬 但係原來我只不過係收埋咗 原來一直都冇好過 係醫生面前喊 係真嘅 我嗰陣時係好想好想 又再次不停咁搲自己 睇醫生叫我唔好再傷害自己 所以我控制住。 我好亂我頭痛 我希望我今晚可以瞓得著 我亦都真係好後悔 我對你咁差 我真係好後悔點解當初唔肯聽你講 死中個頭埋佢 到最後 受傷嘅原來唔只得我 原來我都令到你好受傷 好對唔住 因為其實我只係想有一段好好嘅關係 呢個係我內心渴求嘅嘢 所以我先會對佢咁樣千依百順 一直喺度死忍 佢對我嘅唔好對我嘅不聞不問 不斷咁樣為佢嘅唔好去解釋 根本佢就係一個自私嘅人 我只不過 咁啱喺佢最落魄嘅時候 佢哋命好好 遇到我 所以佢盡情咁樣去利用我 到而家 遍體鱗傷嗰個係我 大魚大肉嗰個係佢。 我真係好後悔 點解當初唔早啲分手 點解當初唔肯聽身邊嘅人講 呢個人根本唔值得。。 我好嬲我自己。 所以我希望佢可以得到佢應得嘅懲罰 我希望個天可以幫我 幫我主持公道。