尋晚陪你出去飲嘢 返到屋企都三點幾 然後我沖涼 食咗啲安眠藥 一訓 就瞓到差唔多晏晝三點 你今日攞咗假 你又同我講你出去 你都有同我講你返到屋企 今日一整天我就係喺度睇返同條撚樣嘅whatsapp 我聽到佢把聲我就想嘔 點解呢個人要咁樣對我 點解我嗰陣時咁蠢咁傻 點解我要對佢咁好 點解我要將自己所有嘢都畀曬佢 我好後悔亦都覺得好受傷害 點解一個人可以鳩成咁 夜晚 我同你打咗陣機 然後你就去瞓啦 我有話聽日過嚟等你收工 你話唔好太辛苦好趕 我彷彿見到之前嘅自己 之前嘅我都係咁樣對你 嗰陣時你同我講 見得五分鐘都好 而家講呢句說話嗰個人係我 呢啲係咪叫因果報應 定係叫風水輪流轉 從前嘅我哋 有得見就一定爭取時間見 我曾經有一段日子 真係想推開你 擺埋你一邊 但而家 成日話要見 爭取時間要見嗰個人變咗係我 我終於明白你嗰陣時嘅感受 嘩，原來都真係幾痛 同埋我同你講好多嘢 你都係冇答過我 我唔想去追問啦 一陣你就會覺得我好煩 我唔想令到你討厭我 我知道你想答 你就會答 你唔想答 我點樣都唔會逼到你答 好似snapchat咁樣 由嘈交到而家好似好返 又再嘈交又好似好返 你再冇share過你嘅location畀我啦 我都冇去追問你 因為我知道如果你想做嘅話 你一早做咗 你冇咁樣做 代表你唔想咁樣做 我逼你都冇辦法 但係唔見面呢一樣嘢 我真係接受唔到 唯有啲一樣嘢我係會迫你 好對唔住 因為我叫陳璧欣 我最鍾意逼人 其實 由嗰件事發生之後 好多嘢都係我夾硬嚟 唔係我夾硬嚟 我諗你已經放低咗我 所以我冇辦法唔夾硬嚟 好對唔住我希望你明白 所以我先希望 我哋可以好好咁傾下 好嗎