今日你特登拎咗假 話要約埋阿智出嚟傾 原本其實我較咗鬧鐘七點鐘就醒 但係啲安眠藥實在太勁 我醒咗又瞓著返 搞到我過到嚟都十點幾 我知道你好緊張呢件事 你成晚都冇瞓過就係喺度睇案例 然後你喺朗屏度接我 一上車就不停咁講案例 然後返到屋企 你又話好肚痛要去廁所 然後去沖涼 我就坐咗喺度發呆 對唔住 我唔係唔想攬你 我係好驚你唔想我攬你然後佢開我 其實每次你叫我唔好掂你 我都覺得好受傷 你話出門口 所以我即刻換衫 因為我知道你嗰陣時已經發緊脾氣 我唔敢再掂你或者點樣 所以我拿拿聲即刻換衫 對唔住畀咗你嘅感覺係 我為咗見阿智 但係其實我真係唔係想見佢 我點解會想見佢 我對佢一啲意思都冇 但係 對唔住 我唔係想拖你 我知道我以後要點樣做 就算你推開我 我都一樣要死攬住你 我重視嘅係你 想見嗰個係你 唔知點解永遠往往都係會令到你誤會 我真係好希望我哋可以好咁坐低傾下 我知道你好唔想同返我一齊 你覺得返唔到轉頭 但係我覺得 我覺得我哋可以返到轉頭 係發生過好多嘢令到大家都好唔開心 但係呢啲都係一個經歷 都係回憶 雖然係唔好嘅回憶 但係我相信冇一對情侶冇嗌過交 兩個人一齊就係互相磨合 你話你唔想我咁辛苦 我覺得一啲都唔辛苦 冇咗你我仲辛苦 我唔知道我而家喺你心目中仲淨返幾多分 但係 我希望我哋真係可以繼續一齊 因為我真係好愛你