今日你拎早走去睇牙 你係咁話唔想見到我 但我都照過咗嚟等你 我唔知道點講 你有時肯俾我錫俾我拖俾我攬 但係有陣時你就推開我 你知唔知其實你推開我 每一次嘅拒絕我 我個心又再碎多下 但係我知道係我自己造成 你好難唔諗返起我呃過你 我知道點解你會咁樣 因為你諗返起我呃過你 所以就想推開我 我知道呀 我心好痛 你之前從來唔會推開我 但係係我自己做錯我要承認返個後果 好難要你一下子好似之前咁樣對我 你仲肯畀我見已經係好感恩 所以我需要有一個強大嘅心臟 我知道嚟緊條路好難行 你會不斷咁樣畀我拒絕我推開我 但我唔會就咁放棄你 你知道嗎 今次係我人生裏面 最搲爛塊面嘅一次 我未試過去糾纏一個人咁耐 畀人拒絕n次我都仍然喺度 係第一次 我今次真係知道失去咗嘅滋味係點 所以我真係會好好咁樣對你 我真係好希望我哋可以坐低 慢慢傾 將大家嘅感想 諗法 感覺 講曬出嚟 我想好好咁樣溝通 我真係想好好咁樣認真同你溝通 我知道你係一個唔鍾意表達自己嘅人 但係我哋唔溝通 落嚟只會越嚟越差 我唔想 我想我哋好似之前咁開心 可以嗎