今日唔知算唔算和好咗呢 我今日喺東涌等你收工 然後就返咗嚟屋企 你喺車上面講嘅嘢 問關於舊電話嘅嘢 其實我唔係真係有心隱瞞你 有啲我真係連個名都唔記得 年少輕狂 似住有啲本錢就亂嚟 但係我冇再係咁好耐啦 因為我已經冇曬本錢啦 我而家但求平平靜靜咁樣過 你要喺你身邊就得喇 係你身邊我覺得好有安全感 其實我有驚過 你會再唔想同我搞嘢 但係我唔知你心裏面點諗 搞就有搞 但唔知你其實係咪真係想同我搞 今日可以見到你攬住你 雖然你有時會推開我 但係我都會照攬返住你 我今次死都唔會再放手 我唔會再講大話再呃你 我唔想再次失去你 我會好好咁珍惜你 但係你對我嘅冷淡確實有啲難受 當然我明白亦都唔會要求你對我好熱情 因為做錯事嘅人係我 你唔開心好正常 對住我冷淡亦都好正常 但係希望有一日 我哋會變返之前咁樣 乜嘢都笑一餐 唔知幾時可以再見到你呢 我唔敢問 因為驚你覺得我煩 慢慢嚟啦 我同自己講慢慢嚟 重新再建立過 預咗你態度會冷淡我會難受 我預咗 所以我冇得抱怨 我希望我哋真係可以破鏡重圓