今日係我同你分手嘅第30日 都係完全斷聯既第2日 雖然話想同你斷聯 但我仍然不斷打開snapchat 我發現你又delete咗個apps 我超級超級焦急 諗咗好耐我到底應唔應該即刻撲出嚟搵你 最後我都係選擇咗仆出嚟搵你 我相信自己係冇錯㗎原來 師傅叫我試下唔好搵你煩住你 但我覺得係唔得 結果真係證明咗唔得 我知你今日返p 我驚過咗今日之後唔知你返咩更 所以我即刻過咗嚟元朗等你 好感謝你仲肯見我 原本我真係淨係打算畀份禮物你就走 你竟然畀我上車 你竟然肯畀我摸你拖你錫你 雖然我知道你唔係好想我錫你 但至少你冇推開我 好感恩 我真係以為以後就咁冇咗你 雖然我唔知道而家你算唔算係同我和好 但係至少你冇推開我冇好抗拒我 我見到你 我情緒好穩定呀 你知唔知我啲一個月 晚晚都喺度喊 出街聽聽下歌都喊 我見到你我好安心 我同你坦白所有嘅嘢 我過去就係一個咁唔檢點嘅人 但係呢個都係過去嘅我 我真係發誓我冇再係咁樣亂嚟 今次之後我真係知道有啲嘢失去咗就係失去咗 而家上天畀多次機會我 我唔知你肯唔肯畀多次機會我 但係上天至少冇令到你好討厭我 我真係會好好咁樣反省 應承你嘅嘢我真係會做到 我真係好希望可以慢慢咁樣修復返呢段關係 我知道好難 因為冇咗信任 要再建立喺一件好難嘅事 但係我好希望你肯畀多次機會我 畀我做你嘅避風塘 你做我嘅避風塘 應該係話你根本就係我嘅避風塘 你一直喺度為我遮風擋雨 係我唔知啫。 我而家知道冇咗你係有幾慘 所以我真係發誓會好好咁珍惜你 我會畀任何人更加愛你 我唔會再隱瞞欺騙你 我愛你萬楚然