今日我同你分手嘅第29日 都係第一日完全冇message過你 完全斷聯嘅一日 一起身拎起部電話 好自然就咁開咗個snapchat 想同你講我起身 原本今日知道你返早 我有諗過去石壁度等你收工 但係 我相信如果我咁做 你會好反感 會覺得我係迫你 所以我乜都冇做 原本諗住拎張病假紙畀elaine 但係屋企冰箱都冇乜嘢食 所以我就約咗佢聽日佢返工前拎畀佢 即係十二點零拎畀佢 好平淡嘅一日 落街買餸煮飯 然後食飯洗碗沖涼 再幫阿媽抹身 因為阿媽個傷口仲未好 所以唔可以濕得水住 我每隔兩秒我就諗起你 拎住個電話好想好想好想message你 但係我咁樣係咪逼緊你 可能你都覺得我好煩 原來咁快已經12月 係你嘅生日月 我真係好希望可以同你一齊慶祝生日 你嘅生日禮物我已經準備咗 不過係唔知道時見唔見到你啫 我希望你到時可以肯見我 唔知你今日返工點樣呢 係咪又係做炮樓呢 皮膚唔知有冇好啲呢 我真係好希望你快啲好番 因為我都覺得你好辛苦 我真係好想同你好好咁傾下 你唔好一直咁樣去逃避我 好唔好 我整畀你嘅兩週年禮物咩都仲未拎返 你話過會幫我屋企換燈 你話過會同我一齊執好我間房 我仲等緊你呀 我掛住你 掛住你把聲 掛住你陣味 掛住你嘅擁抱 掛住你拖住我 掛住你錫我 我掛住你掛到就快癲啦 我真係好希望可以同你一齊返 我發誓我真係會改過 唔會再有任何嘢呃你 我唔知你會唔會睇我呢個日記 但係我真係好想話畀你聽 我真係好愛你 我愛你多過愛我自己 為咗你我做咩都得 只要係幫到你 只要係你開心嘅話 我咩都可以做 除咗你我咩人都唔想要