今日係我同你分手嘅第28日 尋晚發夢又見到你 夢見我哋去台灣嘅時候 然後最開心嘅時候電話響 我阿媽打嚟話出得院 所以我就去醫院接佢出院 去到仲要等文件等拎藥 搞到差唔多成三點先返到屋企 然後我就落街買咗啲菜買咗啲雞蛋 因為佢要食多啲蛋白質 仲洗埋啲衫添 嗰陣時都四點啦 想恰一陣 但係碌到碌去都瞓唔著 所以我六點鐘就起身煮飯喇 煮完飯我就洗埋碗 晾埋機衫就去沖涼 我而家敷緊mask 唔知你又做緊啲咩呢 唔知你啲皮膚有冇好啲 返工有冇啲咩特別嘢發生 你嘅一切一切我都好想知道 但係而家所有嘅嘢我都係唔知 你嘅location 你返咩更 你去咗邊我都唔知道。。 我今日忍唔住whatsapp元朗師傅 問佢有咩方法可以同你關係好啲 佢已讀不回 然後搵返我ig搵開嗰個師傅 佢不斷咁鬧我 佢叫我唔好搵你一排 畀大家冷靜一下 佢話我而家越係咁樣 愈係逼緊你走 我甚至有諗過聽日我知道你返早 我有諗過過嚟石壁等你 又或者喺你屋企附近等你 但係個師傅鬧我 佢話我做緊嘅嘢只會令到你更加覺得我討厭 所以我決定唔會忽然出現喺你面前 令到你有壓力 我而家唯一可以做嘅就係等 等你下咗啖氣 畀啲時間你 師傅仲鬧我 你做錯嘢你想人哋即時即刻原諒你 你都要畀啲時間人哋丫 係囉 我都冇畀個時間你 一直就係畀壓力你 冇諗過你需要啲乜嘢 你需要一個開心嘅關係 而唔係一個咄咄逼人嘅女朋友 所以我暫時畀大家沉澱一下 日記我每日都會打 因為已經成為咗習慣 不過係唔知你有冇睇 不過都唔緊要啦 我只係唔想再加添你嘅壓力 我要成為你嘅快樂 而唔係成為你嘅壓力 但我想講 我啲一刻已經好想搵你喇 我嘗試忍耐一下 我真係好掛住你 真係好想攬住你 再搵你嘅時候 會係一個更加好嘅陳璧欣 到時你再考慮同唔同返我一齊 我係唔會咁容易放棄 我愛你