今日係我同你分手嘅第27日 都係瞓得好差 不斷咁發夢 我估你返早 所以我嘗試打電話畀你 但係打好多次 都係 閣下剛才咗打嘅電話暫時未能接通 我以為你block咗我電話 我甚至用我阿哥電話打畀你 一樣都係未能接通 然後我就開始好緊張啦 你係咪出咗咩事 定係你休息緊怕我嘈住你熄咗電話 定係你電話冇電 定係你拎咗個電話去整 我唔知我淨係知道我好擔心我搵唔到你 但係晏少少你終於通返啦個電話 你肯聽我電話但係你畀我嘅態度係你覺得好厭煩 我都係一樣苦苦哀求 想同返你一齊 你都係一樣好堅定覺得一齊返唔到 返唔到轉頭 然後原來你幫我整好咗個舊iphone 你仲偷睇我iphone裏面嘅嘢 我唔怪你睇我裏邊啲嘢 但係嗰啲都係好多年前之前嘅嘢 嗰個年代嘅我 成日都去蒲 感情生活好亂 其實我自己都唔係好記得清楚嗰段日子係點樣過 然後你就話我講大話呃你 話我冇試過one night stand 我承認我當年係有玩交友apps 係有約人出去 但係喺我腦海裏面 我印象嘅唔係真係一出去就約出去扑嘢 然後扑完嘢就唔再聯絡 我真係唔記得咗有發生嗰啲咁嘅事 就算我真係第一次見人就同人搞嘢 但嗰個人一定係我有好感我先會同佢咁樣做 亦都唔會之後就唔搵對方 對唔住 我冇同你坦白曬一切 係我根本就唔記得嗰段時間自己係做緊啲乜 我唔係有心去隱瞞你 而且呢啲事都係好多年前嘅事 我都好多年冇再出去蒲 都冇再玩交友app好耐 我知道你睇完個電話之後 更加覺得我一個唔可信嘅人 但係我真係可以話畀你聽 我除咗嗰次呃你之外 我冇呃過你其他嘢 我亦冇做過啲對你唔住嘅嘢 我一心係諗住同你一齊 我所有嘢都係諗住你 曾經我同條撚樣一齊嘅時候 真係有一段時間我係覺得你好煩 就係嗰段我同你不斷嘈交嘅日子 就係嗰段師傅叫你唔好同我嘈交嘅日子 嗰陣時我真係覺得你脾氣大 情緒好唔穩定 可能由嗰陣時開始 我同你講嘢之前 都要諗一諗先敢講 因為嗰段時間嘅你實在太敏感 好似我講錯少少嘢你就會發曬脾氣 又或者係我表達嘅方式令到你誤會 我連續打咗幾次電話畀你 你好惡咁同我講叫我唔好奪命追魂call得唔得 好煩 我知道喇 我唔應該再迫你 但係唔代表我默認同意同你分手 我係死都唔想同你分手 我只不過係唔想再做一啲嘢令到你討厭我 所以我冇再打畀你 你畀我感覺你一直喺度避開我 你唔肯去正面面對我 不斷用我好忙黎打發我 從來我哋一直都係咁樣見面 一直都係收早 或者一有時間就見面 點解你要避開我 就算你要分手 我都想當面 大家三口六面講清楚 係咪事情真係挽救唔到 可能你一直承受好大壓力 屋企工作金錢 所以我唔想再畀壓力你 我亦都唔想做到你會憎我你會討厭我 畀啲時間大家冷靜一下 但係我真係唔想分開 你都知道我真係唔想分開 我而家好努力咁樣去做返好畀你睇 首先我要穩定我自己嘅情緒 我唔想一哭二鬧三上吊 我想畀你知道我有改變 我知道我之前處事係好唔成熟好衝動好幼稚 所以而家我每日都不斷咁樣反省 點樣去做一個更加好嘅自己 點樣去對你先至係好 我諗 我唔應該再去每日煩住你 畀大家冷靜一段時間我會再搵你