今日係我同你分開嘅第26日 我知道你琴晚返通宵 然後今日星期日佢喺度 所以我都唔敢打電話畀你 一路淨係snapchat搵你 但係到而家你都冇睇過 我係擔心你有啲乜嘢事 不過我擔心又可以點 我又唔可以打畀你 又唔可以過嚟搵你 齋得個擔心 今日都係一樣夜晚去醫院探媽媽 探完就買咗啲壽司返屋企食 食完就沖涼 而家沖完涼就準備睇陣netflix就瞓 今日連舊垃圾都問我 點解點解見你咁耐都冇搵朋友出街 係咪有啲咩事 我話係呀我有病㗎嘛 估唔到連舊垃圾都會問候下我 但係你真係咁忍心 喺我最需要人倚靠嘅時候 完全唔理我 我知道你對我好失望 但係係咪真係一定要分手呢 錯咗我可以改 我有去改㗎 不過唔知你有冇感受到有冇睇到 我都知你自己本身已經好多嘢煩 加上佢又會畀壓力你 加上工作嘅壓力 身體唔舒服 我知道你咩都唔想理 可能而家冇咗我反而你覺得舒服咗 但係你諗返轉頭 你真係捨得啲一段感情 我唔捨得呀 我哋一齊時間唔係好耐 但好似發生咗好多好多嘢 你之前講過 嘈交嘅話錫返你就得 你亦都講過 可以隨時打畀你 係而家我唔敢打畀你 我真係好想你返返我身邊 我真係好需要你 好掛住你呀萬楚然