今日係我同你分開嘅第24日 我唔知道琴晚你係喺珠海過夜定係返返香港 今朝醒咗個人好唔舒服 頭重重流鼻水又咳又有痰 之後食咗粒感冒藥再瞓過 就好啲喇 我今日打過電話畀你 照舊都係唔聽 但係你有覆我 唔係香港 咩事 我打畀你無非都係想聽下你把聲 因為我真係好耐好耐好耐冇聽過你把聲啦 同埋好耐好耐好耐好耐冇見過你 咩事就係都好掛住你 我好想你同返我一齊 然後你就冇再覆過我啦 照舊我都一樣係去探阿媽 估計下個禮拜先可以出院 好難受 每日都好難受 今日阿媽同我講 我見到你咁樣好辛苦呀 我話我點樣呀 佢話我冇嚟精神冇曬笑容 之前你好鍾意笑 當時我冇畀反應佢 因為我唔知可以點樣覆佢 因為冇嘢可以令到我笑 因為冇嘢可以令到我開心 係因為我愛嘅人唔要我 我點樣笑得出 其實我真係好想知你嘅諗法係點樣 你係咪真係咁唔想再試下一齊 你畀個好好嘅答覆我 我而家咁樣真係好難受