今日係我同你分手嘅第23日 照舊我都係半夜醒咗 我估你今日應該係返早所以我打電話畀你想聽下你把聲 但係你cut咗我線 可能嗰陣時你食緊嘢 又或者你好趕 但以前就最好趕你都會同我講 我打咗幾次之後 你都係唔聽 所以我就唔敢再打喇 我唔想令到你覺得反感 我知道今日係佢生日 所以我知道你會同佢上珠海 唔知你點同佢慶祝呢 唔知會唔會好似我哋咁樣開間房 攬住打機睇戲搞嘢 我掛住呢啲日子 可以喺間房黐住你成日 其實我真係好唔想放棄你 我知道有啲嘢係彌補唔到 但是又畀我修補下 我相信我同你冇咁快完㗎 我哋仲有好多嘢要做 我好想帶你去學滑雪 仲有你嘅願望 你話帶我去唔知邊度車震 好想試下同你一齊打war game 講起打機 我哋好耐冇一齊打過啦 我邀請你你不斷拒絕我 無論生活上感情上生理上打機上 我都好需要你 生活上面你知我欠缺乜嘢你就會買畀我 感情上面你係我嘅支柱你係我嘅避風塘 生理上面我同你好夾 打機上面我需要你幫我補血一齊打怪 你可唔可以重新考慮多一次 畀多一次機會我