今日係我同你分開嘅第21日 我琴晚完全失眠 兩點幾都未瞓得著 四點幾發夢就醒咗 個夢有啲唔好意思有啲尷尬 我發夢同你搞嘢。。。 跟住然後搞到五點幾都仲未瞓得著 我以為你今日返早 所以我打電話畀你 你電話有通呀 但係你cut咗我線唔聽 可能你好趕食緊早餐 又諗返去之前 你一起身就會同我講 出門口食早餐又會同我講 返到公司好趕淨返幾分鐘 你都會同我講返工 我好掛住呢段日子 我而家連你返咩間我都唔知道 我想搵你我想打畀你 但係一嚟我驚打畀你佢會見到 二嚟我驚我貿貿然過到嚟 唔喺度都都唔緊要 最緊要係驚 我過到嚟好似逼住要你見我咁樣 我唔想迫你去見我 我唔想增加你嘅壓力 但係我真係好想好想好想見到你 我好想好想好想好大力咁樣擁抱你呀 今日照舊都係去醫院探望媽媽 搭小巴會經過我哋之前上山嘅位置 我好懷念嗰陣時嘅日子 你仲記唔記得呀 嗰陣時我哋係痴纏到 我晏晝要返工 你一早過嚟揸電單車車我去赤柱 探完阿媽落小巴 一路行 好似週圍都有我同你嘅回憶 你叫我點樣忘記你 你今日成日都仲未讀我嘅訊息 尋日明明你仲肯聽我電話 今日唔知點解你就唔聽我電話 我真係好掛住你呀 我哋未試過咁耐冇見㗎 我哋未試過咁耐都冇聯絡對方 師傅話我哋未斷㗎 我哋係可以一齊好耐好耐㗎 你可唔可以畀多次機會我 原本諗住聽朝一早沖過嚟元朗搵你 但係我唔想好似焗住要你見我 我唔想令到你反感 唔想你有壓力 但可唔可以畀多次機會我 我哋仲有好多嘢未做 我想同你想珠海呀 我想食嗰條魚呀 我而家食得落喇唔會嘔喇 我想同你一齊去整頭髮 我想同你一齊去行山姆 我想攬住你瞓呀 我想黐住打機呀 我講咗咁多 其實我都唔知你有冇睇我呢個日記 我希望你係有睇 我真係好愛你