今日係我同你分手嘅第20日 我照舊喺snapchat度同你講嘢 琴晚瞓得好差 好似成晚冇瞓過 不停咁發夢 醒咗係喊住咁樣醒 我喺夢裏面見到你 但係我唔記得我哋做啲乜嘢 你話個發夢同現實係相反 咁係咪代表我唔會可以再見到你 我唔會逼你去見我 但係我話畀你聽我真係好想見到你 然後我又繼續沉睡 然後到三點幾就準備出去醫院探阿媽 舊垃圾今次有跟住嚟 但係佢乜都冇幫過手 真係就咁嚟睇阿媽 嚟咗半個鐘就話要走 佢話要同朋友食飯慶祝生日 因為聽日係佢生日 我真係嬲到震 自己阿媽 我都唔係要求佢幫阿媽做啲乜嘢 幫佢斟杯水都得啩 都係我做 企喺度唔郁 不過算啦我都冇奢求佢會可以幫到我啲乜嘢 幫阿媽抹身換衫去廁所 然後我就返屋企 買咗個兩餸飯 好叻呀我 食咗大半盒 我今日好開心 因為你肯同我傾電話 雖然你冇應承幾時可以見 但至少你肯聽我電話 記得之前 對唔住我又講之前 之前係你一收工就會同我講 我一收工都會同你講 不過唔緊要 只要你肯畀機會我 我覺得我哋可以好似之前咁樣 今次我真係有去識聽人講嘢 去溫柔啲咁對你 唔好再畀咁多煩惱你 我而家學緊點樣去做你嘅避風塘 只要你肯講 我就會聽 你需要安慰 我會第一時間仆過你畀安慰你 我希望我仲係可以做嗰個畀到溫暖你嘅人 我而家學習緊 我唔會再有任何隱瞞欺騙 你亦都唔需要覺得你阻住我 因為我仲未想去投入另一段感情 如果而家你逼我去識男仔嘅話 我諗都唔會有好結果 而家最緊要係你 因為我好需要你 畀我倚靠 好多謝你今日肯同我講咁耐電話 我真係好愛你萬楚然