今日係我同你分手嘅第19日 你真係download返個snapchat 好多謝你 繼續畀我係snapchat度自言自語 今日星期日 我好想打畀你㗎 但係我驚佢喺你隔離 同埋我怕其實你係唔想聽到我把聲 可能佢肯定隔離唔方便 你到而家都仲未睇我啲信息 其實我啲訊息都係無聊嘢嚟㗎咋 都係話畀你聽我去咗邊做緊啲乜嘢 話畀你聽我有幾掛住你幾想同返你一齊 我唔想用之前去比較 但係之前嘅你基本上都係一有時間就會秒回 而我呢而家 每隔15分鐘？30分鐘？一個鐘？ 就會望一望你到底有冇睇我嘅訊息 但係每一次都係失望居多 唔緊要 我知道我對你傷害真係好大 大到係已經唔想再去理任何嘢 但係我真係唔想放棄 我唔想放棄係因為我真係好愛你 我而家先知道原來我係咁愛你 以前以為冇咗你咪冇咗你囉 但原來當真係冇咗嘅時候 先知道你有幾寶貴 人總係犯賤 失去咗先識黎後悔 我最衰嘅一個點係 我唔聽人講嘢 有師傅叫我唔好做保險 到而家 原本我唔係好信等名命理啲啲嘢 但係而家應驗曬 兩個師傅講嘅嘢都講中曬 所以我深信 我同你嘅緣份係未斷 我哋係可以一齊好耐好耐 我好想知道到底而家嘅我 喺你心目中係乜嘢位置 信任冇咗 我覺得可以用時間再去建立 所以我真係好希望如果你仲係愛我嘅話 畀多次機會我 我唔係要迫你即刻同返我一齊 而係我想畀你知道 有呢一個人 喺度等緊你