今日係我同你分手嘅第18日 我見到你又delete咗snapchat啦 我有好多好多說話想同你講 但係你wechat block咗我 whatsapp我唔敢 打電話我都係好提心跳膽 照舊我都係夜晚去探媽媽 仍然係未落得地住 個肚好痛唔知咩事 所以而家暫時都唔可以食嘢 今晚我終於鼓起勇氣打畀你 你有聽電話 我開心到其實係好想喊 因為至少你無block我電話 我好明白上次你帶我出去 我做嘅行為除咗好丟你架之外 仲好令你傷心難過 加上我仲要講大話呃你 其實你到啲一刻先走 對我嚟講真係好仁慈 今日搭小巴去醫院嘅時候 會經過我哋第一次見面嘅地方 我諗你第一次見你 我敲你窗門 你好驚 嗰陣時就算未見面 大家都可以好輕鬆咁咩都講 乜嘢都講一大爛餐 將啲水倒落啲個窿 可以到而家都仲笑緊 係我自己一手造成破壞 係因為我太緊張 我好怕你會嬲好怕你會妒忌好怕你會唔要我 我知呢啲都唔可以做藉口 嗰晚嘅事我責無旁貸 我唔可以講話飲大咗兩杯 而去咁樣做 我知道呢件事對你嚟講係一條刺 但係我真係好希望你會畀機會我 畀多次機會我 令到你安心 你成日話覺得阻住我 其實我根本就冇諗住去識男仔 冇咗你之後呢兩個禮拜 whatsapp畀我嘅人一隻手都數得曬 我冇乜朋友㗎咋 所有朋友都係酒肉朋友 所以你冇阻住我去識人 因為我根本就唔想去 我根本冇呢個心思去做呢樣嘢 我淨係想靜靜地陪喺你身邊 靜靜地咁聽下你講每日返工發生嘅事情 靜靜地咁陪你一齊打機 我淨係想好好咁攬住一齊 我淨係想攬住一齊 之前有乜嗌交 你話錫返你就冇事 我而家錫返你啦 我哋可唔可以和好呀 你話覺得我哋唔可以再一齊 我覺得可以 你畀啲時間大家 我做畀你睇 我點樣去令到你安心 做返嗰個 啱啱一齊識我嘅時候 咩都講嘅人 我應承你我真係咩都會同你講 我唔想畀任何壓力你 對唔住 我知道我對你造成好大傷害 但其實對你造成傷害嘅時候 我都傷害緊我自己 所以其實 不如我哋當冇識過 重新開始認識過好唔好 從頭開始好唔好 由我敲你車門開始嗰一刻開始好唔好