今日係我同你分手第16日 我仍然係好掛住你 snapchat我見到你有睇但係我都唔敢多打啲乜嘢 唔想你覺得我麻煩 我照舊都係夜晚去探媽媽 媽媽精神狀況一般 仍然係覺得好痛 仲未落到床 但係就已經掹咗條引流嘅後 我忍唔住搵返元朗嘅師傅問我同你係咪已經完咗 佢答案係未完 佢話我哋呢種關係 即係唔係正統嘅姻緣 我同你係可以keep到好耐 我明白你嗰種好煩咩都唔想理嘅心情 因為我而家就係咁 每日醫院屋企兩邊走 又要幫阿婆買餸 又要做屋企嘢 舊垃圾完全係冇幫手 所以其實都真係幾吃力 我有好想打畀你 但我唔敢再打畀你 我唔想再畀你拒絕啦 我覺得我已經用盡曬所有嘅方法 甚至我好卑微咁求你同番我一齊 我講到我有幾需要你 我真係好需要你 但係你都冇反應 我可以點 我咩都唔可以點 唯有等你有一日諗起我搵我 我好攰 每日都好攰好冇動力 我淨係想攤係張床 但係現實逼我一定要起身要去探媽媽 好辛苦呀咁樣