今日係我同你分手兩個星期啦 你好似連snapchat都delete埋 我諗你今次真係好認真想同我分手 今日係我媽媽要入醫院做脊骨嘅大手術 我琴日打畀你 就係希望你可以幫我拎住啲嘢 我扶媽媽行落樓梯 因為屋企部𨋢仲未整好 我要由十樓行落地下 一朝早又落雨 搞到好呢hea 媽媽八點零鐘就入咗手術室 到下晝五點幾先收到消息佢做完手術 終於都鬆咗一口氣 我真係好擔心 因為脊骨嘅手術係大手術 做得唔好真係會癱同好多後遺症 手術成唔成功暫時唔知道 但至少佢又冇事 但係佢就真係好痛好辛苦 我又幫佢唔到 唯有幫佢抹下面 拎啲水畀佢飲 其實我真係好返你喺我身邊 就算唔係真係身邊 至少我知道你會支撐住我 但係呢兩個禮拜你完全係冇理過我 我真係覺得好絕望 我絕望到搵埋元朗個師傅問我同你係點 個結論就係 我哋冇咁容易會分開 不過會有好多拗撬 之前我冇聽佢講要做保險 而家應驗曬 我真係一無所有 今次師傅畀我嘅忠告就係 叫我溫和啲對你 唔好同你爭執 但係而家我連想同你爭執嘅機會都冇 因為你已讀不回 我幫你嗌咗兩條煙 因為我估你都差唔多食曬 但係我唔知幾時先可以見到你 我真係好想你