今日係我哋冇聯絡嘅第十日 其實我今日一早醒咗 我想snapchat你 但係我覺得有咩用 所以我起咗身之後 我再食咗啲安眠藥 一瞓就瞓到三點幾 最後都係忍唔住message你 我驚我唔message你 你會覺得我已經放棄咗你 我話畀你聽我唔會放棄 屋企部𨋢壞咗 然後要幫阿婆落街買餸 再由地下行返上十樓 都真係幾攞命 第十日喇 我哋從來未試過咁樣 我有搵過阿智 阿智都話今次幫我唔到 我覺得你今次真係認真想離開我 你想離開我可以 但係可唔可以離開得好啲 畀我見你最後一次 將大家心底裏面想講嘅嘢講曬出嚟 然後先正式分手 你就咁喺訊息講分手啦三個字 然後就唔理我 我真係接受唔到 但我同我自己講 我每日咁樣搵你其實你會唔會覺得好煩 因為講嚟講去都係嗰啲嘢 所以我決定 我試下唔snapchat你 但係咁樣唔代表我係放棄你 我知道你心裏面一直有條刺 因為我呃過你 所以你對我冇曬信心冇曬安全感 係我自己造成 但我咪畀個機會我去彌補 我真係有改變過㗎 你感受唔到咩 我都唔知可以講啲乜嘢 我淨係知道我而家個心痛到裂開咁樣 我淨係知道我一諗起你我就好想喊 我淨係知道我真係好想同返你一齊 對唔住