今日係我哋冇聯絡嘅第四日 我繼續一路係snapchat同你講嘢 好似對住空氣講嘢咁樣 今次姨媽到個肚真係好痛 痛到我忍唔住要去診所打止痛針 我有同你講 但係你冇反應 我知你仲好嬲 但係你可唔可以關心下我一句 凌晨三點 你覆我話返唔到轉頭 事情已經發生咗 係 我係冇講得好清楚 我係同你嘈 但係我冇做過啲對你唔住嘅嘢呀 我覺得我罪不至此 你可以話我冇同你講 你可以話我貪玩唔理你 你可以鬧我話我 甚至可以懲罰我任何嘢 但係我真係接受唔到因為咁樣分手 因為今次我真係唔好講大話 我冇呃你冇男仔 係我冇好特別地同你講有幾多人有幾多男有幾多女 我知你仲好介意上次件事 自從上次之後 我知道條底線喺邊度 我都好自動自覺同其他人保持距離 同埋 我已經冇再delete任何message 我知你唔信但係我話畀你聽我真係冇 上次我已經真係得到教訓 你鬧得我幾勁 我仲好記得 上次我係抵死 上次我認我真係抵鬧 但係今次我知我有唔啱嘅地方 但係我覺得你需要去到咁樣 我未上去之前 你有冇感受到我嘅改變 我對你確實真係溫柔咗 我少咗發你脾氣 我咩都就曬你 我真係有去改變 你記唔記得你發脾氣鬧我 不停問問問 其實我只係擔心你唔方便 你知道我而家每日都冇嘢做 我任何時候都可以見你 我唔知道你會唔會有咩計劃要去做 所以我先會問 對唔住 我真係好唔習慣 冇咗你陪我打機 冇咗你同我信息 冇咗同你傾電話 我真係唔想冇咗你