1/9號既日記... 點解會冇打... 我諗應該都係因為冇心情 而呢篇其實係2/9 因為我過左12點先返屋企 就變左3/9 由診斷左我係抑鬱症到今日 差唔多食左5日藥 食左所謂我地叫開心藥既血清素 暫時都唔覺得有效 每日個人都係好冇動力 諗野都係好負面 會冇啦啦就喊 一食野就嘔 然後所謂既訓教藥 打孖黎食都唔係好訓到 訓到一陣就會醒 到底呢種日子我仲要過幾耐 2/9既一早5點幾我就醒左 今日係你通宵 所以日頭你有時間可以陪到我 所以我一早就搭車過黎 其實我掙扎左好耐 CALL車定地鐵 我想CALL車既原因係 唔係我懶 係我唔想見到咁多人 但係我知道你唔會想我浪費錢 所以我選擇左地鐵 對唔住 我唔敢同你講 我係地鐵既時候係 冇啦啦喊 我唔想你擔心我 所以我冇同你講 見到你既時候 我盡量好好控制自己既情緒 因為我知道 你要接到我呢D負能量係好辛苦 因為你自己原本已經有好多野要煩 我唔想更加你既壓力 所以我係你面前好好好好好努力 做番你識果個陳璧欣 對唔住 我有好努力去食野 但係真係好辛苦 果種一食野落肚 就好自然有種力想嘔番出黎 我當然知道我要食野 我都唔想自己身體出事 所以我都好努力 對唔住 我又做唔到 今日 望住 果盤魚 我知道自己唔路了 我開始心跳好快 呼吸開始快 我同自己講 冇事冇事架璧欣 萬楚然仲係度 果一下 係所有所有既負面野都黎哂 我好驚你係因為我有病 所以先留低 好怕我病好你就會走 但係我當然知道你唔係 對唔住 我唔應該咁樣諗你 但係我唔想咁 依家既我 所以既野都係好負面 你覺唔覺得 我之前同你講過 叫你唔好咁負面 因為我好唔中意負面既野 正面 先可以有好事發生 但係依家我個腦出左問題 我唔係想咁 好多謝你 我知道你怕會刺激到我既情緒 所以你可能講說話好小心 辛苦你 俾d時間我好嗎 我相信我真係會好 同時都好多謝你 今日陪左我一整天 我會努力 快d好番