尋日心情真係極差 所以我冇打到日記 尋日係休息 知道你仲好嬲 所以你都係冇理我信息 但我打俾你 你肯聽 你仲係好嬲 我想你陪我睇醫生 但你一口拒絕 我個心又碎左一下 你忍唔住終於覆我 可能我真係太煩 同埋你驚佢會睇到 係言談之中 我先知 原來你係等我過黎搵你 其實我當然有諗過搵過你 但係今次唔同之前普通嗌交 今次真係好嚴重 我怕我講錯半句說話 行錯半步 會火上加油 我知道你想我過黎既時候 已經晏就3點幾 我有諗過9衝過黎 但係過到黎 都4,5點了 所以我今日一早就過黎搵你 你係話過全日唔得閒 但係我唔理了 我怕以後冇機會 我想提早將我打算送俾你既兩週年禮物俾你 你唔肯見我都冇所謂 係 我過到黎 你人都唔係香港了 你過左珠海 你不斷叫我返去 我唔肯 然後你忍唔住打黎 好惡咁問我想點 果時我好驚又再令你更加討厭 所以我真係打算聽你講 我返屋企 係我岩岩call到車 架車到左 我個人係上埋車 你好惡咁講左一句 你中意返就返去啦 我果時立即果斷同司機講 我落車 我唔返西灣河啦 依家諗番轉頭 好似個天都睇唔過眼咁 又會咁岩我係岩岩上車 係咪個天都想我地和好 其實我果時係好辛苦 流左好多汗 個人哂到就快暈咁 所以我打算行去睇下邊度有得買水 又係呢個時候 你出聲話 你返去開冷氣俾麥芽糖 我果下 果下 係想爆喊 但我同自己講過要控制情緒 我都唔想我係咁喊 喊到你都覺得煩 就係咁 你終於肯俾多次機會我 我都將我呢幾日諗既野 我既感受同你講 我真係好多謝 你肯都俾機會我 我知你仲係好嬲 唔會再信到我 但係俾d時間我 我會努力咁既修補 終有一日你會信得番我 只要我改哂所有唔好既野 變哂你最初認識果個我 就會好架啦 係咪 好耐 好耐 冇攬過你 原來係岩架 d人成日講 失去左先知有幾重要 我爭d就失去左你 原來攬住你係咁舒服 其實我係有d抗拒去睇心理醫生 因為我唔想你覺得我有病 係痴線 但係我亦都知 我唔去解決 我只會愈來愈差 咁樣只會傷害到我自己 甚至傷害埋我地既感情 所以我的起心肝去 今次 有你陪 我安心好多 但係我都忍住 唔好爆喊 忍住 唔好喊 最後 醫生診斷左我係 中度抑鬱狙 仲要係復發既抑鬱症 我真係好希望d藥可以幫到我 我真係唔想個人咁負面 唔想日日都喊 唔想冇啦啦就驚恐發作 你就咁聽我講 你會唔會覺得好誇張 冇啦啦又會抖唔到氣就死咁 我真係冇呃你 我都係第一次 我公司有個老人家 佢係有嚴重既抑鬱症加埋驚恐症 每次佢知第2日要出去覆診 佢總係會發作 所謂既發作唔係好似我咁抖唔到氣 係佢個樣真勁驚 話自己行唔到 我同d同事都覺得 佢只係扭計唔想去 但係我經歷過 我諗 果一刻 佢心入面都係好受好辛苦 我辨法用言語去解釋俾你知果種感覺 但係我只可以講 係好辛苦好辛苦好辛苦 好多謝你 陪我一齊入去見醫生 當年我第一次睇佢 氣撚樣係冇陪我入去 直接話係出面等我 好多謝你 嬲住都陪我 由今日開始 我會多d感恩 少d埋怨 欣賞你為我做既野 我愛你萬楚然