沒有你的第二天 不想撒謊 我的確未接受到未消化到 我的確係有情緒 我係有飲啤酒 但係都訓唔到 我係好早上左床 但係訓唔到 真係一整晚都訓唔到 我唔想喊 我同自己講唔可以喊 我要正面 但係D眼淚好自然咁流落黎 今朝對眼係紅哂 我望住鏡 我真係唔想見到自己係咁樣 換著你見到 你都唔會想見到我咁 我真係好努力既控制 我唔知咁樣去控制係唔係好事 但至少我冇傷害我自己 今日返工仍然唔在狀態 係咁唔記得左自己要做D咩 做漏野 同埋 我唔知係咪叫做焦慮症發作 我上網睇D症狀係好似 我係冇諗任何野 做緊野 忽然間 抖氣好唔順 心跳好快 好想喊 個覺得係好慌 個人好亂 好驚 好唔知點 D個症狀維持左差唔多半個鐘9個字 先慢慢平伏番 今日係第一次 我完成唔知點解會咁 所以我聽日打算打電話去醫生度 睇下有冇睇提早睇 我唔想再俾情緒困擾住 同埋我唔搞掂D情緒 我俾你既感覺只會係一哭二鬧三上吊 我唔想你覺得我威脅緊你 唔想你因為我既情緒唔穩覺得有壓力 我有諗過誘因係邊 我諗有可能係因為今朝MSG你 你變左單剔 我果下簡直係絕望 但係我都同我自己講要正面 強行抑壓呢種情緒 到之後 又忽然變番雙剔 可能係我MSG得你太密 你怕佢見到所以暫停BLOCK左我? 定係你諗諗下又好嬲 好絕望 好想真係了斷左我地既關係 所以先BLOCK? 我真係估唔到 但係今日之後我諗 我真係要好好正視我情緒既問題