沒有你的第一天 我到依家都仲未接受到 你要分手呢個事實 仲係覺得 你唔會離開我 今日係第一日 同你失去聯絡既第一日 之前有冇試過 你完全冇搵過我 好似有 不過係調番轉頭 係我唔俾你搵 應該就係當年我自爆完之後 果時我真係當佢係寶咁 好怕冇左佢 所以要同你斷哂所有野 你果時仲同我講 你等我 等我方便既時候就搵你 依家變左係我 我會等你 我真係知道今次 我犯既錯係冇得解釋同埋真係太過份 要你原諒我 我自己都諗唔到咩理由 唯一既理由就係 我仲係好愛你 我唔知呢個理由夠唔夠力 我依家唯一可以做既就係等你 係等你既過程 我做好我自己 我好好既檢討 好好咁去反省 好好咁去改過 我會一直都信息你 就算你唔會睇都好 因為我唔想就咁就完 我同你一齊差唔多兩年 但係唔知點解感覺 好似一齊左好耐咁 好似發生過太多野 經歷左好多野咁 我每一日都同自己講 要保持正面 唔好太負面 唔好有太多既情緒 但係 其實我點樣收埋都好 我既情緒仍然係度 但我會盡量去保持正面 因為我都唔想你見到我 好消極好負面係咪 唔好講唔開心野 講下我今日返工發生既事情 今日我返工忙到癲呀 應該話呢掛返工都好忙 今日岩岩走一個 又黎一個新既 個個都係住一個月就走 真係做死人 人手又唔夠 得我一個姑娘 都唔知做得邊樣先好 返工返到要跑步咁樣 唔知你今日又過得點樣 你有冇好好咁食飯 好好咁休息 頭仲會唔會好痛 D皮膚會唔會有好轉 肚仔食左中藥仲係咪係咁柯 我好想好想知道你好唔好 你連我地既日曆 SNAPCHAT都DEL左 我睇到果下 我個心真係好似刀割咁 依家諗 都好想喊 我知道你對我可以講話已經死心 絕望 因為一直以黎 你仆心仆命咁為我 係背後承受得太多 你為我付出太多 我淨係識一味要求你點點點 其實 自私果個其實係我 淨係識去放大我得唔到既 但係我冇去睇 其實我得到既已經好多 只係一味去索取你既愛 係我自私 我真係好希望 你可以俾多最後一次機會我 除非你對我已經冇左個愛字 但我相信你仲愛我架麻係咪 你當我呃自己咩都好 你仲愛我架係咪