原來今日係七夕 我都係收工既時候 睇IG人地POST先知 哈哈 又係好平淡既一日 最近返工都好忙 因為愈來愈多住客 但係都係得我一個姑娘 今日我返晏 你返早 我都知你收工要去處理事情 都知道你唔係好方便覆我 其實我真係明架 然後同你打打下機 你就突然話佢煮好飯 就走左 今晚你問左我`2次 你真係冇唔開心? UM....當然我話冇啦 因為講好左 要體諒 唔好再俾壓力你 但其實內心梗係有點不是味兒 我唔係介意你覆得我慢 我知你真係做緊野 而係 打機果下 你冇啦啦唔講一聲就出左去 我既感覺係 佢一聲 你就停哂所有野 姐係你係以佢為先 當然 理智話我知 呢樣一定係架 因為佢先係你老婆 當然 我知我都好重要 但係 一定係以佢為先 所以 只係當下 有小小不是味兒 未到唔開心 然後 唔知你係咪FEEL到我唔開心 你話聽日一早車我返工 傻瓜 我真係冇唔開心 只係果下有小小感覺 我會好好咁調節一下 認清自己既位置