我已經好耐, 好耐,好耐......無寫過日記了!又或者甘講, 應該係我從來都無認真甘寫過日記, 以前記底個D, 9成都係D感情事, 諗番起真係實在太無聊, 而家先發現原來人生除左情感問題, 真係仲有好多事情等待我去處理, 感情自自然然就變得微不足道了。今日吾知點解, 好想打番開以前個qooza日記, 裡面記錄左應該有....10多了的回憶,不過因為我一時吾記得個密碼,已經開吾番了; 突然間又好想搵一個地方發洩,所以就開左個新ge地方玩下, 吾知又會玩幾耐呢~ 其實寫日記都吾一定要記低今日天氣, 心情甘傳統...對我黎講, 只要想搵人講野ge時候但又吾知搵邊個, 甘咪搵個日記寫下lo, 總好過將所有時都收收埋埋, 有好多時候就算你想講, 都未必有合適ge對象可以比你講, 畢竟做人總有好多難處, 需要顧及ge情況, 人, 環境實在太多。 今日真係好悶, 特別係番工, 好想搵d小妖吹水, 唉, 又吾係幾好意思, 打擾人地king 正經事, 吾知點解公司係無呢D人可以值得閒聊, 個個都隱晦, 根本同隔左個玻璃講野無分別, 晒氣! 今日jacky 同我講左佢D 8掛野, 唉~咪又舊會D垃圾野, 真係吾知點解佢成日都要將D無謂事無謂人放係心, 過去就過去, 成日糾結係D舊人舊究, 都吾知為乜。睇番佢又諗起以前ge我, 其實我自己以前都一樣, 成日記住D舊人舊事, 真係傻仔! 其實所有發生ge事都係過眼雲煙, 誰對誰錯又如何? 還你一句道歉又如何? 所有事情都已經發生左, 感受亦都不如初見, 還有甚麼值得討論呢~!