今天，我又再一次離開你，我個心好痛，再見返你之後，我發現，我已經望唔清楚你啦，又收到醫生電話，下星期又要見佢，眼壓做完手術都控制唔到，對眼keep住好痛，夜晚甚至乎會黃同紅。 呢一個日記app同我對眼一樣，已經玩完，我對眼曚，呢個app就話close我，如果唔俾錢升級。所以野都係整定，個天俾你，你唔要，佢收返你更多，雙倍，甚至乎三倍四倍。 今次見返你，好多野都唔同哂，見到你好努力工作，好努力為將來打算，以前嘅我，真係好想成為你身邊果個，陪你一齊努力，一齊組織家庭，做你嘅幸福小女人。但呢一刻我知道，我無福消受，呢個幸福，將來一定有一個同你更襯，年紀差唔多，背景清白，又靚又體貼嘅人出現。我去到邊都會祝福你，支持你。 愛你。 放低左你之後，就到terry，我哋已經無任何關係，我都好希望你揾到一個錫兩個仔，又温柔又識照顧你嘅女人。我自問做得好差呢份工，唔係一個好老婆好媽媽。將所有野所有關係搞到亂哂龍。好慶幸，一直以來，有你嘅照顧，我咁大個女，身邊一直都係得你撐住我，我同爸媽關係疏離，同你一齊之後，無哂朋友，全副心機放喺你同屋企，有時我都懷疑自己能力，做乜都做唔好。做乜都完結唔到。 希望你身體健康，唔好怕糖尿病，控制得好好，其實無咩大不了，你唔鐘意甜，所以你一定會好健康，唔好氣餒。 我好希望係我仲睇到野，打到字嘅時候，講哂佢。 你哋兩個都係我最愛嘅人。我只係想你哋就算無我係身邊，都可以好幸福快樂。 我仲想多謝uncle auntie, 同你哋相處，我先感受到父母嘅愛，由細到大，爺爺嫲嫲離開咗我之後，我再感受唔到屋企人嘅愛錫，你哋就好似我父母咁，我小小唔舒服，你哋就好誇張咁，買好多支補血嘅supplement又送野食俾我，果段時間，我真心覺得好多愛圍住我，我諗我呢一世都唔忘記你哋，你哋既笑容令我好放心咁俾你哋照顧，我實在太無安全感，對每個人，我都好驚，多得你哋，令我好安心好安穩，我真係好愛你哋 最後，多謝呢個app一直以來俾我舒發我嘅情緒，俾我每次係度講完就當呻左，放低左，成個人又從新。