溫度日記
Hearty Journal

2023年5月16日的日記
今日終於要做呢個減壓手術,雖然醫生話,好普通嘅手術,但我知佢係安慰我,為咗唔好令我驚令我擔心,因為我知呢個咩”選擇性小梁成形術SLT” 並唔係做一次就解決到。 今朝一早知道你返左香港,你話有事要做,我仲以為你係Alex口中知道我要做手術,改機票陪我,黃美蓮呀,醒下啦,仲活係童話世界入面做乜? 自己諗到就諗住對方會做?最後自己失望,你都慣咗自己一個人去面對,自己唔講,就諗住對方做,又發脾氣。。你估個個人既心都知你想做乜咩?呢個世界好似剩係得Alex一個一聽到我把聲就知我煩緊咩。偏偏我就係對佢無愛既感覺,得屋企人大哥哥既感覺。 我有曾經叫自己接受佢,但我做唔到。我個心始終淨係得Tony。 天啊,你放過我好唔好,點解要咁樣折磨我?我想愛自己多啲。我情願手術失敗,昏迷狀態,醒返無哂記憶。我都唔想活係Tony既世界。我好攰,有時我真係好想知道佢諗緊咩?係我太愛佢,好想擁有佢?我唔想俾佢牽住我走,我感覺唔到,佢嘅行為上係愛我,係佢心目中,我只係信息女朋友?還是係悶得滯既吹水對象? 我得唔到對方嘅認同,佢慣左我行我素,獨來獨往,auntie 曾經講過,有咩都要講,話佢唔識得表達出黎,唔識得浪漫。 唔通我同佢講,我想你送花俾我,我想你重新再追求過我,我想你唔好見客唔好做公司嘢,一定要過嚟陪我出入醫院,我想你每秒都要話我知,你係邊,我想你每日都係我公司樓下等我,我想。。。全部都唔係我想,如果呢個係我,我相信我哋更加日日都鬧交,你會好辛苦,慢慢就發現呢個我,唔係你想要既另一半。 我更加唔會咁做,有啲野,講左去做同對方突然之間咁做,成件事就變得好唔一樣。我諗我同佢都係唔可以一齊,我都迫自己放低左佢,點解又要拎返出嚟?一個IG一個WhatsApp,social media 拍拖,是但一方停止運作既時候,呢條路就會加入分叉路口,大家之後就向左走向右走。

溫度日記 Hearty Journal