唉。。呢幾日，我又同你msg返，因為我好想將你daddy mummy送俾我嘅護膚品錢，趁住呢個mother’s day，送返俾佢哋，唔通連個天都覺得，我哋唔可以就咁就完？偏偏就係呢份禮物，將我哋拉返埋，我究竟仲應唔應該同你繼續咁落去？ 點解要話俾我知，原來你有係公司樓下等我？我一直都同自己講，你放低左我，放棄左我，我不停麻醉自己，令自己唔可以再對你有任何期望。 你係咪為咗我，改變緊自己？我真係好鐘意你對我講甜言蜜語，我好鐘意你話，你掛住我，你話你無左我，你先感覺自己停落嚟，你話你好想攬住我。 但點解個天偏偏要折磨我同你？考驗我哋嘅感情？當你改變緊自己，當你發現自己好愛對方嘅時候，當你好想念對方嘅時候。仲係有啲阻滯，有啲考驗俾你。 呢個時候，我身體就走下坡。對唔住，我真係唔想再受傷，亦都唔想傷害你。我好明白一句說話 「愛得越深，傷得更深」 今日醫師鬧得我好岩，上天俾呢個生命你，係一個機會，俾你可以同另一伴再走入另一個階段，既然佢健健康康咁係你肚入面，係你同另一伴創造出來，咩叫愛情結晶品？ 選擇放棄呢個生命嘅人，根本就係自私，佢未有選擇權，你偏偏就代佢選擇離開呢個世界，離開你嘅肚，如果唔係想要佢，就應該做足安全措施，我唔相信有意外呢一樣野。呢啲手術，傷既程度，等於你生8個。 當然醫師唔知道我嘅background，不過佢鬧得好岩，我就係自私，係我，係我嘅錯，係我話唔驚，係我計錯排卵期，係我一知道有你，就已經幫你決定咗。個天選擇係2022年2月14送呢份情人節禮物🎁俾我哋，我諗都無諗，過兩日就去登記放棄你。所有野，都係我自私。 BB對唔住