今日天氣好好，好曬，一出去對眼已經好辛苦，去到診所等報告，要放大瞳孔，又照一大堆機，今日醫生話左眼眼壓又高左，佢可能驚嚇親我，唔講數字，開頭我都唔知係用數字黎計，freeman話我知，佢有一日起身，左眼有一半黑左，睇唔到左邊嘅野，好驚去睇醫生，一度話急性青光眼，眼壓30度，第一次睇完醫生，佢問我醫生有冇話幾多度？我話唔知，所以今次我問醫生幾多度，佢好驚訝點解我識問，佢好唔想講咁，可能驚我擔心，佢話今日高過上次3度，不過放心，都唔代表好危急，仲要睇今日做既其他報告，之後我話咁姐係幾多度，佢話。。。上次23度，姐係今日26度😵‍💫😵‍💫佢話未去到要用藥物控制，我話咁點解會高，有咩反應或感覺會知道又高左。佢話無。只可以定期檢查，咁啦，我哋每兩個月就黎檢查下好無？我俾唔到反應你，哦。。。咁你出去坐低，等姑娘俾藥水你滴下，我。哦唔該醫生，拜拜醫生。 我隻眼開始越嚟越曚，醫生話曚4,5個鐘，唔好太集中睇野，如果唔係會好攰。我即刻問freeman ，佢話醫生講得岩，真係無原因同有精狀既時候，可能已經盲咗。 唉。。咁你叫我點過日子。好傍偟。 BB，係咪你俾我既教訓？如果係，我願意接受，更加接受到爸爸果份，媽媽身體頂得住，你唔開心，搵媽媽就好。 我又好掛住你，你係天國好嘛？ 你今日係ig問我係邊，我好想覆你，但我忍住，我忍住唔拎電話，唔禁ig，我好想同你講，我自己一個係診所，好想你係我隔離陪住我，俾我捱住，我驚到對手又凍又紫，好想俾你拖住，好想。好想。好多好想，因為我真係好耐無見過你。你傷口好返未？你有冇返工？你有冇去旅行？你有冇換床單？你有冇飲湯？你有冇出街？你有冇返銅鑼灣？你。。。 我知。我知我就算知道，又點。始終我會拖累你。我都擺唔耐，萬一我哋真係一齊返，感情好深厚嘅時候，你叫我點忍心掉低你 自己離開呢個世界。我諗你而家慢慢開始適應左無大家既生活，對你佢一件好事。 對唔住，我真係好愛你，我唔忍心傷害你